تعال بسألك عني

"... تعال بسألك عني ..."~



.


.


كتبني الشوق في بُعدك / حروفً تصرخ بهمي

وقلبً مانسى عشقك

وذاق المر بغيابك

تراني تهت من بعدك / وظلمه ضمة دروبي

عروقي حيل ضميانة / عطشها نشّف أعماقي

وزهوري ذابلة دونك


تعال ..؟
ياشفا جروحي


تعال ..؟
ياجسد روحي
شاب طفل الشوق فيني .. وارتكى وجدي وحنيني

تعال..؟
أخاف من العمى يصافح / عيوني قبل لا شوفك

واخاف الموت يعانقني / قبل أحّيا بـأ نفاسك

تعال بسألك عني ..؟

أبي اعرف أنا ويني ...!؟

نسيت اسمي وعناويني

وذكرتك بس يانوري

وأنا معذور لو أنسى / جميع الكون بفراقك

طلبتك خلّي لاتقسى / على من يعشق أهدابك

حرام الحزن يرسمني ... أحد لوحات جدرانه

وحرام الهم يطوقني ... واعيش بداخل أركانه

\\
//

متى تحضني طيوفك / متى تلملمني كفوفك

ومتى تعزفني الحانك / واسمع صوت أنغامك

يداعب سمعي الغايب


تعال ...؟

بسألك أشياء ..! كثيرة حيل تشغلني

وش الشاعر بلا إلهام ...؟

وش الموطن بلا حكام ...؟

وش الكاتب بلا أقلام ...؟

وش العاشق بلا أحلام ...؟

وش الجملة بلا معنى ...؟


بودي انتظر ردك ولكن شوقي مستعجل

يقول اكتب اجابتك ... تعال واسمع ردي ..!

.

.

.
أنا الشاعر يـ إلهامه

وموطن يرجي حكامه
تروف بشعبه الهايم ... بحاكم غاب عن ارضه

وأنا الكاتب .. ولكن ..!!؟
غيابك حطم اقلامه

وعاشق قربك أحلامه

أنا المشتاق .. .. وأنا العشاق
وجملاتي بلا معنى / إذا ماكنت معناها

بخيلة هالمعاني حيل / سقيمة كل كلماتي

تعبت ارجيها توصفني ... وتكتب ماجرى بـ حالي

ولكن وصفها قاصر ... عجز يكتب شقى الخاطر

وأكيد أتعبت أوراقي / بكثر ما اكتب واشطب

وجـفــت..!؟
كل أحباري قبل ما توصل المعنى

وش اكتب لك وقلبي ماقدر ينساك
ــ وش احكي لك حنين الشوق ذوبني