مشـــــــــــــــــــــهد واريد تعليقك عليه !! ( المشهد الاول )

حبيبي افتح بلوتوثك ابغى ارسل لك هالمقطع !!

حبيبتي مفتوح

لا عمري مو مفتوح .. ما في الا بلتوث ولدك !

لا حياتي والله مفتوح ..

طيب قلبي انت مغير اسم بلوتوثك ؟

لا ياقلبي اللي انتِ كتبتيه لي

طيب ياحياتي هاته اشوفه اتأكد

خذيه

وبعد ما أخذت الجوال صح مفتوح ,,
وصح ما تغير الاسم
بس يوم حاولت ترسل

لقت انه مرسل لأحلى بنت .. والدلع كله .. وشفايف سكر .. والدلوعه .. و .. و ..

وهي تناظر مستغربه طبعا هذا الجوال يخزن الاسماء اللي ارسل لهم بلتوث وكل هالاسماء تم ارسالهم بالقطار امس وهو جاي لزوجته ..

أعطته الجوال .. وهي تسأل

وش ذا ؟

أنا قايل ما بعطيك الجوال جعل ايدي الكسر

الحين تترك الموضوع وتلف لي على انا قايل انا قايل ؟

ايه

ليش تسوي كذا ؟

كيفي

ترضى اسوي مثلك ؟

كان اطلقك

ياسلام .. طيب ليه ترضاها على نفسك وتحرمها علي !!

انا رجل

بالله عليكم وش تعليقكم ؟

اسعد الله أوقاتكم جميعاً

أختي الكريمة / وردة جورية :

في الحكمة العربية : كما تدين تدان

وفي الأمثال العربية :

من كان باب بيته من زجاج فلا يرمي أبواب
الناس بالحجر

وفي الأمثال الأحسائية :

من طق ولد الناس طقوه

أخوكم / همس الكلام

بصراحه الزوجه المفروض مايكون ردها كذا

نا لو انا منها كاان كسرت الجوال فوق راسه

وعلى رده ان هو رجال وخير يعني
اذا ماتبغى هالشي لزوجتك لاتسويه انت
مثل ماقال اخوي همس الكلام
كما تدين تدان

تحياتي

والمشكلة الأعظم كلمة أنــــــا الرجال

يعنا حــــــــــــــلال عليهم حـــــــــــــــــرام علينا confused

هذا هو فكر مجتمعنا مع الاسف
مجتمع غير واعي

السلام عليكم ............
موضوع جميل ....
اولا يعتمد إذا أنا واثقه بزوجي مرررررررررره وأعرفه زين مازين...
وشفت بالبلوتوث أسامي كذا ...
مارح اشك انه راسل شيء مو زين
يمكن راسل لهم مقاطع دينيه أشياء مفيده ....
وبسأله لكن ... ليش هو رسل وايش اللي رسلهم
وانه انا اغار عليه وما اتمنى تتكرر الحركه منه مره ثانيه
وحتى لو بلوتوث اغار ...
طبعا لو كنت واثقه منه واعرفه مو تبع حركات
بس يمكن ملان كان بالطريق وهو بالمطار وهيك
وهذا رأيي أنا
ويسلموا

حتى لو ملان ماله حق يرسل
يعني لو انا كنت ملانه عاادي ارسل الى رجال في المطاار

عشاان انا ملانه

اذا انا محرم علي ليش هو مو محرم عليه

اوك انا برسل بلوتوث الى اي انسان ف يالمطار ةمقاطع دينيه
لاني ملانه

اللي يحرمه علي لازم يحرمع على نفسه

اساسا ماله داعي الجميع يرسل لاي انسان ما يعرفه
سلااااااااام

همس الكلام
شكرا لمرورك ولاضافة تعليقك ..

بنت الدار حبيبتي .. اكيد كان ودها تكسر الجوال على راسه
بس حبت تسمعه في الاول .. وبدل ما تكسر راسه كسر قلبها ..

بنت بنوت عزيزتي .. هذا يسمونه رجل متخلف ..

سكون الليل .. لك جزيل الشكر ..

قلبي مانساك

تأكدي ان المسألة مو ثقة ..
ولو انه ملان !! شدعوه مافي غير انه يرسل بلوتوث
يشغل حواله على الادعية مثلا

يعني لو انتي كان ارسلتي وهو قبل بهذا الكلام ؟

بنت الدار صح كلامك

سكون الليل وانت ايضا .. صح ماله داعي

هذا باب يجي منه شبهه انا ليه افتحه ؟!

الا اذا كنت ..

صح او انا غلطانه ؟!

تسلمي كلامك صح
سلااااااااام

السلام عليكم ....
أولا أنا ما أيدت أنه يرسل أساسا بس مو أني اسوي هوشه مع زوجي
مشان بلوتوث
الحياة الزوجيه ماتنأخذ بهالأمور دي طق وهواش وصراخ
فيه شيء أسمه تفاهم
ومثل ماقلتوا ماله داعي يرسل أساسا صح هو صح ماله داعي ..
بس هم لازم اسأله ليش رسلت ووشو رسلت ....
مو اجي وارمي النعال على رأسه

ولما عنيت يمكن
رسل أشياء دينيه شيء زي كذا
لاني كوني واثقه من زوجي مارح أشك بسوي شيء مو زين والثقه تجي مع العشره مو يوم وليله
غير لما اكون مو واثقه منه شيء ثانيه تصرفي بكون معاه
وتحياتي لكم
وهذا رأيي Smile

وكل شخص بالوجود اله رأيه اللي يقتنع به
مع السلامه

قلبي مانساك

حبيبتي من قال صارت هوشه ؟!!

الزوجه سألت وش ذا ؟

هو اللي ما حب سؤالها بالمره ..

دققي فوق لو انها مو عاقله كان كسرت الجوال على راسه ..

بس سألته ومارد

لو انه ارسل شي ديني مو كان برر ؟!!

بس هو قال انا حر انا رجل اسوي اللي ابيه

اذا زوجك رد عليك كذا بتقولين ارسل مقطع ديني ؟؟؟!!!

ولا ارسل رقمه بالبلوتوث ؟؟

امانه وش ردك ؟

دمت بود

اختكم / ورده جوريه

؛؛ ورده جوريه ؛؛ كتب:: قلبي مانساك

حبيبتي من قال صارت هوشه ؟!!

الزوجه سألت وش ذا ؟

هو اللي ما حب سؤالها بالمره ..

دققي فوق لو انها مو عاقله كان كسرت الجوال على راسه ..

بس سألته ومارد

لو انه ارسل شي ديني مو كان برر ؟!!

بس هو قال انا حر انا رجل اسوي اللي ابيه

اذا زوجك رد عليك كذا بتقولين ارسل مقطع ديني ؟؟؟!!!

ولا ارسل رقمه بالبلوتوث ؟؟

امانه وش ردك ؟

دمت بود

اختكم / ورده جوريه

أختي انتي فهمتيني غلط كلش ...
أنا كان ردي على انه لازم نتفاهم ومايصير هواش لانه ردت وحده من العضوات مدي وش كتبت انه تكسر الجوال على رأسه مدري شنو ...
وطبعا أنا كان ردي على هاي النقطه تحديدا ..
بس لو سألته وقالي جعل يدي الكسر حسابي معاه شيء .ثاني
.. اكفخه ولا عندي فيها بعد Twisted Evil

اصير مجرمه
بس انا تكلمت بشكل عااااام عن البلوتوث لو شغله بمكان عام ورسل ... بس الظاهر يمكن سلكت الموضوع بشكل خاطئ هنا
وعلى سؤالك الي

اقتباس :: اذا زوجك رد عليك كذا بتقولين ارسل مقطع ديني ؟؟؟!!!

ولا ارسل رقمه بالبلوتوث ؟؟

طبعا مافهمت سؤالك بالضبط وش تعنين
هل اني اقوله ارسل رقمك والا مقاطع دينيه جد مافهمت اعذريني على عدم فهمي سؤالك
بس لو كان على مافهمت منك
يعني معقوله زوجه بتقول لزوجها ارسل رقمك بالبلوتوث معقوله يعني اختي الحين تصير دي Shocked

انا مدري ليش دائما انفهم غلط Mad

حبيبتي قلبي مانساك

اقول لو انه ارسل مقطع ديني ما كان قال جعل ايدي الكسر قبل لا اعطيك اياه ..

صح او لا

معناها البلوتوث المرسل مو بس صوره ورد غطاها

لان في بلوتوث يرسل فيه مثلا صورته مع رقم جواله ..

فهمتيني عزيزتي ؟!!

؛؛ ورده جوريه ؛؛ كتب:: حبيبتي قلبي مانساك

اقول لو انه ارسل مقطع ديني ما كان قال جعل ايدي الكسر قبل لا اعطيك اياه ..

صح او لا

معناها البلوتوث المرسل مو بس صوره ورد غطاها

لان في بلوتوث يرسل فيه مثلا صورته مع رقم جواله ..

فهمتيني عزيزتي ؟!!

السلام عليكم
أختي قريتي جيدا ردي السابق .... أنا وش قلت ...
انا لم ارد على رد الرجل تكلمت عن استخدام البلوتوث بشكل عام
على رد أحد العضوات ...
بس أكيد لو استخدم بشكل خاطئ لهدرجه ماعندي غيره ولا كرامه عادي عندي ..
لا وألف لا ...

قلبي ما نساك

واضح كلامك وضوح الشمس

لكن للتوضيح كتبت اللي كتبته علشان ما ينفهم كلامك غلط

قلبي ما نساك

لاتحرمينا مرورك الفعال

دمت بود

هو اساسا النفروض مايسوى كذا
لابنت ولا ولد
واحد ماتعرف ولايعرفك
مقاطع دينيه مو دينيه نفس الشي

المفروض مايرسل شي

بنت الدار حبيبتي

هوني على نفسك شوي ..

ترى اختلاف الرأي وارد في مثل هذي الحالات

بـــــــــــــــــس رايك مثل رايي خاصة اذا كان من انسان فاهم
ورجل كبير
وفاهم

يعني مو طايش ونقول يكبر ويعقل !!

اشكر كل من ابدى تعليقه على الموضوع

دمتم جميعا بخير

اختكم

ورده جوريه