دَمْعةْ فرَآقْ وَ لآ انْتِظارْ وَ { مَذلّہ !!

بآخر خيوط الليـل .. تدفـن تفاصيـل
يوم الوداع.. اللـي خـذا العمـر كلـه

وبأول ضفاف الشوق .. وقّف بي الحيل
كني شربت من اخطـر السـم .. دلـه

تايه .. وحيد .. وبسمة اشفـاي تمثيـل
مصدوم .. عفت الحب .. دقّـه وجلـه

راحل مع الديجور .. والحزن .. والويل
وكلي ضياع .. وسيف هجـري يسلـه

وده .. ولا وده .. بقطـع المواصـيـل
ودي .. ولا ودي .. مفـارق محـلـه

حزني على دربي .. يجـر المواويـل
وهجره على دربـه .. يطـول و يتلـه

الحزن ليل .. وشوف الاحبـاب قنديـل
والهجر لغز .. وعلقم الصبـر .. حلـه

يا صبح .. دام الخيـر معقـود بالخيـل
والناس سبت .. وجمعة الليل .. زلة!!!

يا صبح لطفا ً .. فـي يـدي المناديـل
والرمش سجن .. وجفن عيني .. مظله

يا صبح لطفا ً .. تنسف الحزن والليـل
قبل اطلـق الدمـع بعيونـي.. واهلـه

ولأجل الوفاء قله .. قبل دمعـي يسيـل
يا صبح لطفا ً .. يا ابيض الوجه .. قله

اليا انتثر .. يبشـر بقطـع المواصيـل
دمعة فـراق .. ولا انتظـار .. ومذلـه

●
●

لـ / شامخ الرشيدي

نويت ارحل .. مع انسام الهبوب .. ومع سراب الـلال نويت اشطب على سود الظروف .. وحيرتـي بأمـري

وقفت .. اجمع شتاتي .. والزمن فرقى .. وضيقة بـال وقفت .. ولا قدرت اصمد ..وخفت ابكي وانا ما ادري!!

تقبّلـت الظـلام .. ووحشـة الطرقـة بعـزم ابطـال تناوشني.. مخاليـب الظـروف .. و تنتظـر كسـري

تركت اغلى الاماكن .. تحتظن حلمي .. وراس المـال وانا ادري.. لو قسى حكم الزمن .. تبقى علـى خبـري

رحلت .. اشرب مع انفاسي ضما .. والجوع ما له فال رحلت .. وقلبي ترفـرف عروقـه .. تفتقـد وكـري

رحلت ..اكابد الغربـة.. واسايـر ضحكتـي محتـال وحيد .. افرش من احزاني بساطي .. والتحف صبـري

وهي من القصائد الرائعه لا حرمنا الله من جديدك أختي " بنت الدار " دمتي بود ابو ابراهيم

يسلمك ربي اخوي

وقصيده في قمه الروعه


لاعدمناك

وماقصرت


تحياتي

مشكووره حبيبتي بنت الدار عالقصيد الجميله

مشكووووور أخوي أبوابراهيم على القصيده الأكثر من رائعه